بولبول
قفسده ائیلمه چوخ آه ایله فغان بولبول حزین حزین اوخوما باغریم اولدو قان بولبول
داراقلاما ایاقونلا سویوق او میله لری عذاریوه ائلمه اشگووی روان بولبول
آلو لاییب اوره گین یانسادا بو محنتده نه فایدا یوخدو سنین حالینا یانان بولبول
گئچیب گئدر قارا گونلر اوتر بو محنت لر همیشه قالمایاجاقدیر بئله زمان بولبول
سنین یئرین او عطیرلی سحیرلی باغلاردیر ندن بو دارقفس اولموش سنه مکان بولبول
سن اولماسون نازینی کیم چئکربنووشه لرین چیچک لره کیم اولارباغدا نغمه خوان بولبول
چیچک لرین دیله گین دویغوسون بیلیرسن سن گولون دیلین قانا بیلمزکی ساغساغانٌ بولبول
تامارزیدیر سسیو وا ، لاله ، نسترن ، نرگیز گوزتله ییر یولووی باغدا ارغوان بولبول
قویوبدو چیگنینه بوینون گوزل قرنفیل لر وئریب باغی ائله بیل یاز چاغی خزان بولبول
ائدیب صفاسی سن ایله باغین سولوب گول لر ملول ملول دولانیر ایندی باغبان بولبولکدر توزی بورویوب باغلاری سوسوب شمشاد ائدیبدی قامت سروی فلک کمان بولبول
سالیب کیم آیری سنی سئودیگین چیچک لردن گوروم کی وارلیقی اولسون اونون یالان بولبول
گوزل سئسون قفس ایچره ائدیب سنی دوستاق هنر وئریب بادا چوخ باشلاری اینان بولبول
