در رثای حضرت اباعبداله الحسین(ع)
در رثای حضرت اباعبداله الحسین(ع)
سنی نه تکجه حسین جان سؤیرمسلمانلار سنی سؤیر آقا عالمده کل انسانلار
باش اندیریر قاباغیندا مسیح و ابراهیم عزیزله ییر سنی حورمتله جمله ادیانلار
گلنده ماه محرم اولاندا عاشورا گلیر نوایه یئراوزره بوتون نیستانلار
قوپور عزا سسی یئردن بولودلانیر گویلر ملک لر آغلاشیرعرشه چیخاندا افغانلار
گئییر قارا بو مصیبتده ائینینه عالم باتیر یاسا ائو اشیک شهرلر شبستانلار
دونور قانا گونشین باغری اود توتور آفاق دوشنده کرب و بلاده یادا لب عطشانلار
فرات چایی هله ده ائیلییر اوزون نفرین حسین سوسوز قالا سیراب اولا بیابانلار
اساس مکتبووی قان ایله ائدیب امضا بلا چولونده وفالی او قانه غلطانلار
نقدری واردی جهان نهضتون قالار جاوید بو مکتبی ائله ییب بیمه تشنه قوربانلار
اگر چه یوخدو آقا تاج و تخت سلطنتین ولی مقامو وا رشگ ائیله ییر سلیمانلار
حکومت ائیلیوسن سن آقا کونوللرده سریر سلطنت اولموش سنه بوتون جانلار
آدین گوزلدی یولون ان گوزل سنین مولا خلوص ایله سنه تعظیم ائدیرله سلطانلار
عجیبه خالق آرا واردیر محبتین عشقین گورنمه ییب گوره بیلمز بو عشقی جانانلار
آدیندا واردی نه حکمت قالاندا مشگیلده اولور سنه متوسل جهاندا لقمانلار
قیام ائدنلر آلیر ایندی سندن الهامین ائدنده ظلم هایاندا قودوز قودور قانلار
نئچون کی سن آقا عزو سعادت اولدوزوسان گئدیر سنین ایشیقینلا همیشه کروانلار
