صلح و صفا
من بـو عـالمـده فقط صلح و صفـا یانغی سیام اولسـا بیـر ذره اگـر مهـر و وفـا یانغی سیام
من نـه خضـرم نه سکنـدر کی گـزم ظولمـاتی نیلـیرم آب بقـا ، عـز بقـا یانغی سیام
من اسـیرم ظولًمـات ایـچره نـه لازیمـدی منه آب حیـوان بو قـارانلیقـدا ضیـا یانغی سیام
نیلـیرم نـوح نبی عـومـرینی بو عصـریده من مگـر عقلـیم آزالـیب درد و بـلا یانغی سیام ؟
آز عومور خوش یاشایش دیر منیم آرزیم دیله گیم تـانری حـاقیمدا اگـر قیلسـا روا یانغی سیام
حیـاتین لـذتی آزاد یـاشـایش دیر گـوزلیم گـوز آچـاندان بری بیر بویله فضـا یانغی سیام
قـانادی باغلی اولان قوش کیمی هر لحظه منیم خیـالیمدان گئچن اول مـاوی سمـا یانغی سیام
بیر سینیق آینا کیمی غـم توزو قونموش اوزومه حـاییف اولسون سیلنیم یوخدو جـلا یانغی سیام
منی بـو هیسلی ائوین توستوسو آز قـالدی بوغا گـل آچـاق پنجـره نی تازه هـوا یانغی سیام
من یـازاندا بـو شعری مصراع به مصراع گوردوم غـزلیـم گـلدی دیـله منده هیجـا یانغی سیام
اوخـودوم شعرینی « داود » اورگیم درده گلیب آغـلامـاق بسدی داهـا سـاز و نوا یانغی سیام
داود آریانی بستان آباد
15/07/1392
